❝بسم الله الرحمن الرحيم، السلام عليكم ورحمة الله وبركاته. هذه قصة قصيرة تذكرنا بنعم الله علينا نحمده شكره. هذه واحدة تقول اننا انا وعيالي وابو عيالي ما عندنا شيء ما عندنا شيء نبد ابد هذا قديم يا الجوع تقول انه والله زوجي ما لقى شي يعيشنا ولا لقى لا شغل ولا مشغله ولا شيء تقول يجي ويروح للرياض ويخلينا يروح مع اللي يبنون قصور الملكية قصر الحكم وقصر ذا من أول بالطين واللبن ولا اله الا الله يشتغلون من اوله يروحون يبنون كثيرين يروحون من القصيم تقول امراد انه بدا يشتغل معها الناس ويبنون ويلبنون.
تقول انه وحطوا لهم طباخ يطبخ لهم يقول ش يطبخ لنا؟ يقول يرتب القدور الكبار الحجاري هم يجون الله أعلم 50 فوق ال 50 اللي يعمرون رجال تقول انه يقول يرتبون هذي الحجار القدور الكبار هم يكبونه ينكسون له كيس الرز ينكسون له ويطبخونه على ماء وملح هم يغرفون لنا كل واحد يعطونه وجبته عشا وغدا يقول ان واحدة منا أهله قريبين وحوله وما شاء الله حالته زينه زين منا يقول قال يا عيال من يبي يشتري غداي ابى ابيعه يروح ياكل عند أهله يروح يتغدى عند أهله.
قال من يبي يشتري غداي يا عيال انا ببيعه قال ذايه ه اللي جايني حلال ابو العييل قال انا بشتريه عمر يجي يشريه منو يمكن بقرشينه باربع قروش ربع ريال وها هو يحصل وياخذه وهو يروح يفل الخياشن بالسطح وينشره بالطايه بالطوايا وينشر هالرز ولا منه يبس ضفوه وعبوه بالخيشه لا اله الا الله يقول يوم انه تم شهر ولا ماليين له خيشتين يسري كل يوم يسري غداه وعشاه ما يبيه هو.
يقول يوم يجي الواحد يبي يروح لديرته من ربعه من اخوياه اللي جايين معه يبي يروح لديرته قال الله يجزاك خير ابي اعطيك هخيشات توصلهن عيالي تعطيهن عيالي قال زين اخذهن رادفهن على الذلول ومشى يوم انه وصل ديرته وما يكزل مرتاله قال معي لكم مساتنه من ابوكم تعالوا اخوذوا عمر تجي الحريمه اركض يوم شافت ولا والله ما شاء الله خيشتين خشتين رز قالت والله ما انا باخذتهن بالنهار قدام الناس اجيك بالليل انا وبناتي ان شاء الله وناخذهن وما جن بالليل وياخذونهن تقول اني مني جاء الليل اخذت ملا ايدي مرتين وحطيته بجدر من ها الرز الميبس المطبوخ هم من حطيته بجدر وغسلته هم من حطيت عليهم وطبخته شوي وكبيناه وتعشينا وما شاء الله تعيشنا وحيينا من أول ما نقوى نروح نحس ولا نقوى نروح نحاطب ما نقوى نمشي نجوع لا اله الا الله تقول ان اننا بدينا ما شاء الله نروح نطلع نحاطب ونطلع نحش وبدينا يتنقذنا الحمد لله.
